MPB: Afati për ndryshimin e patentë shoferëve skadon në fund të vitit, qytetarët t’i ndryshojnë me kohë

Ministria e Punëve të Brendshme rikujton qytetarët se vlefshmëria e patentë shoferëve me emrin e vjetër kushtetues, në përputhje me ndryshimin e ligjit për sigurinë në komunikacion, përfundon më 31.12.2024.

Ministria u bën thirrje të gjithë qytetarëve që kanë ende patentë shoferin me emrin e vjetër kushtetues që të rinovojnë të njëjtat para afatit, për të mos krijuar turma të panevojshme.

Po ashtu, u njoftua se portelet e shërbimeve administrative funksionojnë me kapacitet të plotë.

“Të gjitha ambientet e ministrisë dhe sportelet e shërbimeve administrative funksionojnë me kapacitet të plotë dhe mund t’u shërbejnë qytetarëve për të shkëmbyer patentë shoferët brenda afatit të rregullt deri më 31.12.2024, pa vonesa dhe turma”, thotë MPB.