26 policë të pikës kufitare në Vërmicë, akuzohen për marrje të ryshfetit

Prokuroria Speciale e Kosovës, ka ngritur aktakuzë kundër 26 zyrtarëve policorë, për “Marrje të ryfshetit”.

“Prokuroria Speciale e Republikës së Kosovës, ka ngritur sot aktakuzë në Gjykatën Themelore në Prishtinë – Departamentin Special, kundër pandehurve A.K., B.H., B.P., B.O., B.S., D.Z., F.H., F.R., H.S., H.H., I.I., I.S., K.S., M.S., N.H., N.S., R.M., R.K., R.G., S.K., S.Q., S.P., S.H., SH.A., SH.SH., Z.P”, shkruan në komunikatë, përcjell Klankosova.tv.

Aty tutje thuhet se të gjithë të pandehurit akuzohen se në cilësi të zyrtarëve policorë, me detyrë në SMPK – Pika Kufitare Vërmicë, me veprimet e tyre kane kryer veprën penale.