Më mirë për Tetovën reagon ashpër: Bilall Kasami na la pa frymë i pret drynjët për të ndërrtuar rrugë

➡️ Realizimi i projekteve të reja urbane është i mirëseardhur, por jo me çdo kusht! Në veçanti jo në mënyrë që rrezikon shëndetin e qytetarëve dhe dëmtojnë ambientin.

🪚 Projekti i fundit i Komunës, me të cilën parashifet zgjërimi i rrugës Boris Kidriç, ka filluar me prerjen e drunjëve në të dy anët e rrugës. Për ne është e paqartë se për çfarë arsye priten drunjët në të dy anët e rrugës, kur projekti parasheh zgjërimin e rrugës vetëm në njërën anë të trotoarit.

🪵 Drunjtë nga ana e Muzeut të Tetovës janë drunjë të vjetër të cilat vështirë se zëvendësohen. Të gjithë jemi dëshmitarë se në projektet paraprake drunjtë e prerë nuk janë zëvendësuar me drunjë të përshtatshëm por përkundrazi, me drunjë të cilët as në aspektin funksional dhe as në aspektin estetik nuk u shërbejnë qytetarëve.

🌳 Duke pasur parasysh rritjen enorme të temperaturave, autoritetet lokale duhet të llogarisin për efektet e dëmshme të projekteve urbane. Vegjetacioni urban ndihmon në uljen e temperaturave gjatë periudhave të nxehta të vitit. Në Tetovë, ku kemi mungesë të madhe të parqeve dhe hapësirave të gjelbra, drunjtë e qytetit dhe vegjetacioni urban janë ato që japin bukurinë dhe mbrojnë qytetarët nga temperaturat e larta.

❌ Shëndeti i qytetarëve dhe pamja e qytetit nuk guxon të rrezikohet për 3-4 drunjë shtesë që do të blihen me tender.