Aksident i rëndë në Kurbin/ Makina del nga rruga, humb jetën shoferi

Këtë të mërkurë rreth orës 07:30, një aksident me pasojë vdekje, ka ndodhur në Kurbin.

Sipas informacioneve policore, një 65-vjeçar ka humbur kontrollin e mjetit, e për pasojë ka dalë nga rruga.

Ai nuk ka mundur t’u shpëtojë dëmtimeve nga aksidenti, duke humbur kështu edhe jetën pak më vonë në spital.

Kurbin/Informacion paraprak

Rreth orës 07:30, në fshatin Shullaz, shtetasi N. J., rreth 65-vjeç, duke drejtuar automjetin dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga.

Si pasojë e plagëve të marra, shtetasi N. J., ka humbur jetën në spital.

Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.