Nga sot, çmimet e bukës, qumështit, vezëve janë të ngrira, ndërsa mbi një mijë produkte do të kenë marzhe të kufizuara

Mbi një mijë produkte, që nga sot, duhet të jenë të shënuara me etiketën “Më pak shpenzime, më shumë për ty”. Çmimet e bukës, miellit, qumështit, kosit, djathit të bardhë, vezëve dhe vajit ushqimor janë të ngrira dhe deri në fund të prillit do të kushtojnë njësoj si më 1 shkurt. Për këto produkte, marzha është e kufizuar në 5%.

Për mishin dhe produktet e përpunuara të mishit, sheqerin, orizin, fasulen, makaronat, djathin kaçkavall, margarinën, gjalpin, kafenë, lëngjet, perimet dhe frutat e konservuara, si dhe për disa pije alkoolike, marzha do të jetë 10%.

Ndërkohë, një pjesë e madhe e frutave dhe perimeve të freskëta, ashtu si dhe produktet për higjienë personale dhe ushqimi për foshnja, do të shiten me marzha të kufizuara deri në 15%.