Fitore me rikthim nga Roma, vazhdon formën fantastike në vitin 2025

Roma ka arritur një fitore të madhe në “Stadio Olimpico” pasi fitoi ndaj befasisë së sivjetme në Serie A, Comos.

Romakët morën një fitore prej 2-1 ndaj skuadrës së Cesc Fabregas.

Como ishte i pari që shënoi përmes Da Cunhas në minutën e 44-të.

Me këtë rezultat u mbyll edhe pjesa e parë, derisa e dyta ishte komplet e Romës.

Alexis Saelemakers shënoi në minutën e 61-të për 1-1, derisa dy minuta më vonë, Kempf i Comos u ndëshkua me të dytin të verdhë dhe u përjashtua me karton të kuq.

Artem Dovbyk gjeti rrjetën e golit në minutën e 76-të, për ta siguruar fitoren e Romës.

Në ndeshjen e sotme u paraqit edhe mbrojtësi i kombëtares së Kosovës, Mërgim Vojvoda, që hyri në lojë në minutën e 56-të.

Me këtë fitore, Roma – përkohësisht – ngjitet në vendin e tetë me 43 pikë, derisa Como është i 13-ti me 28 pikë.