Trafiku në Tetovë/ Nga premtimet për parkingje moderne te kaosi urban – Bilall Kasami sërish pa zgjidhje (VIDEO)

Para tre vitesh, Bilall Kasami ankohej për pengesat nga pushteti qendror, duke e cilësuar mungesën e parkingjeve si problem të pazgjidhur për Tetovën. Sot, kur ai ka çdo mekanizëm në dorë si kryetar i Komunës, qyteti vazhdon të jetë i mbingarkuar me makina, parkingje të vendosura kuturu dhe udhëkryqe të bllokuara, ndërsa asnjë parking në kate nuk është ndërtuar.Sot, gjatë një inspektimi në rrugët e Tetovës, Kasami së bashku me kryeshefin e policisë dhe drejtorin e parkingjeve panë nga afër kaosin e trafikut, por as kësaj here nuk ofruan asnjë zgjidhje konkrete.

I pyetur se pse nuk është realizuar asnjë nga premtimet për ndërtimin e parkingjeve në kate, Kasami tentoi t’ia hedhë fajin qytetarëve, duke thënë se ende po pret studimin e mobilitetit dhe se nuk dëshiron të bëjë politikë.

Megjithatë, tre vite në krye të komunës kanë treguar qartë se premtimet e tij ishin vetëm propagandë elektorale, ndërsa sot, në vend të veprimeve konkrete, Tetova vazhdon të përballet me një situatë kaotike të trafikut dhe mungesës së zgjidhjeve afatgjata.