Minibusi që transporton nxënës ngec në baltë, banorët e Hasanbegut detyrohen ta tërheqin me traktor

Banorët e Hasanbegut ankohen për gjendjen e rrugëve në këtë vendbanim të Shkupit. Në redaksinë e TV21 kanë dërguar pamje ku shihet se një minibus për transportin e nxënësve mbeti i bllokuar në baltë, në rrugën që bën zakonisht për transport të nxënësve. Banorët thonë se janë detyruar ta tërheqin minibusin me traktor, ndërsa fëmijët janë detyruar që ta bëjnë këtë rrugë në këmbë.