Propozimi i emisarit amerikan: Ukraina të ndahet si Berlini pas Luftës së Dytë Botërore

I dërguari i posaçëm i SHBA-së për Ukrainën dhe Rusinë, Keith Kellogg, deklaroi se Ukraina mund të ndahet “pothuajse si Berlini pas Luftës së Dytë Botërore”, si pjesë e një marrëveshjeje paqeje.

Kellogg propozoi që ushtarët britanikë dhe francezë të marrin nën kontroll zonat perëndimore të Ukrainës, ndërsa ushtria ruse të mbetet në lindje të vendit. Ndërmjet këtyre zonave do të ndodheshin forcat ukrainase dhe një zonë e demilitarizuar, shkruan gazeta The Times.

Kellogg theksoi se forcat anglo-franceze në anën perëndimore të lumit Dnieper – i cili ndan Ukrainën nga veriu në jug dhe kalon përmes Kievit – nuk do të vepronin si “provokim” për Moskën.