Snopçe: Të gjitha propozimet tona për kryetar dhe këshilltar janë refuzuar nga “VLEN”-i

Aleanca për Shqiptarët (ASH) tanimë ka vendosur që në zgjedhjet lokale në listat për këshilltarë do të garojë e vetme.

Para fillimit të mbledhjes së kryesisë partiake, deputet Halil Snopçe ka deklaruar se ASH nuk është konsultuar nga koalicioni VLEN për shpërndarjen e posteve të kryetarëve dhe këshilltarëve dhe se të gjitha propozimet e tyre janë refuzuar.

“Të gjitha propozimet që i kemi dhënë ne zyrtarisht, edhe pse në media nuk i kemi dhënë propozimet, domethënë, në fakt, kemi vendosur të jenë të fshehta, nuk janë miratuar nga ana e tyre”, ka deklaruar Snopçe.