Kuzeska: Pse po mbrohen zyrtarët aktualë të policisë, por po bëhet hetim ndaj ish-zyrtarëve

Kanë kaluar 30 ditë nga tragjedia në Koçan, ku 61 persona humbën jetën dhe 200 u lënduar rëndë. Pas 30 ditësh është më se e qartë se hetimi për këtë ngjarje po zhvillohet në mënyrë selektive dhe në drejtim krejtësisht të gabuar. Kjo nuk është e rastësishme apo nga injoranca, por e qëllimshme, për të mbrojtur zyrtarët aktualë, zyrtarët dhe shefat që është dashur të veprojnë në atë natë të kobshme, por nuk e kanë bërë këtë, reagojnë na LSDM.

“Deri në këtë pikë, një hetim është duke u zhvilluar, imagjinoni, ndaj 59 personave, nga të cilët vetëm dy janë zyrtarë aktualë dhe vetëm një është shef që ka dhënë dorëheqjen. Imagjinoni, pas nëntë muajve të qeverisjes qendrore dhe gati katër viteve të qeverisjes lokale të OBRM-PDUKM-së, asnjë nga njerëzit e tyre nuk është përgjegjës, ndërsa të gjithë zyrtarët tjerë deri në vitin 2022 janë përgjegjës. Të gjithë të dyshuarit po përballen me procedime për periudhën 2012-2022.

Por, ç’mund të thuhet për përgjegjësinë e atyre që ditën e zjarrit, 16 mars 2025 mbanin poste të larta policore, por edhe në institucione tjera. Në 30 ditët e kaluara, të gjithë avokatët dhe ekspertët e sigurisë kanë konfirmuar se përgjegjësinë e drejtpërdrejtë për këtë ngjarje e kanë udhëheqja aktuale e policisë, Inspektorati Shtetëror për Punë të Brendshme dhe një sërë institucionesh tjera”, tha në konferencën e sotme për media, zëdhënësja e LSDM-së, Bogdanka Kuzeska.

Kuzeska thotë se një gjë të tillë nuk e kanë bërë as shtatë drejtues policie, komandantë dhe zëvendëskomandantë, të cilët sipas ligjit kanë qenë të detyruar të parandalojnë zjarrin dhe të sigurojnë ngjarjen e asaj nate.