Palevski thotë se provat e prokurorisë kundër tij janë të falsifikuara

Gjykimi për rrëmbimet dhe vrasjet e 14-vjeçares Vanja Gjorcevska dhe Pançe Zhezhovski vazhdoi sot me dëshminë e të pandehurit të parë, Llupço Palevski-Palço, i cili pretendoi se provat e paraqitura nga prokuroria ishin të pasakta, manipulative dhe të falsifikuara.

Ai tha se nuk e kishte njohur Pançe Zhezhovskin e vrarë. Palevski tha se, sipas provave që ai posedon, mes Zhezhovskit dhe bashkëpandehurit Velibor Manev kishte pasur një mospajtim dhe urrejtje dhjetë vjeçare, që ishte “shumë më shumë se një keqkuptim për betonin”.

Në mbrojtjen e tij, Palevski gjithashtu theksoi, sipas tij, pasaktësitë në videot e paraqitura nga prokuroria. Për videot e paraqitura nga prokuroria, ai tha se ato kishin shënime të pasakta të kohës dhe, sipas tij, përpjekjet e prokurorisë për të konfirmuar këto prova përmes deklaratave të të pandehurve të tjerë kishin dështuar për shkak të kontradiktave në dëshmitë e tyre për kohën dhe mënyrën e ngjarjeve që lidhen me vrasjen e Zhezhovskit.

Palevski është dëshmitari i fundit në gjykim. Më herët ishin dëgjuar dëshmitarët e prokurorisë, babai i Vanjës, Aleksandar Gjorcevski, dhe të pandehurit e tjerë. Velibor Manev në dëshminë e tij përshkroi rrëmbimet dhe vrasjet dhe e quajti Palevskin si organizatorin kryesor. Bore Videvski e mohoi pjesëmarrjen, ndërsa Vlatko Keshishev tha se ai shpesh ka ruajtur rolin e rojes dhe nuk ka qenë dëshmitar direkt i ngjarjeve.

Të pandehurit për rrëmbimet dhe vrasjet e Pançe Zhezhovskit dhe Vanja Gjorçevskës janë Lupço Palevski, Bore Videvski, Velibor Manev, Vlatko Keshishev dhe Aleksandar Gjorçevski.