Toshkovski: Pagë bonus për 6.241 të punësuar në MPB që kanë realizuar mbi 150 orë punë jashtë orarit në vitin 2024

Sot u është paguar një pagë bonus prej 41.239 denarë neto secilit prej 6.241 të punësuarve në Ministrinë e Punëve të Brendshme, të cilët kanë realizuar mbi 150 orë punë jashtë orarit gjatë vitit 2024. Të gjitha mjetet janë siguruar nga buxheti i Ministrisë së Punëve të Brendshme, njoftoi ministri i Punëve të Brendshme, Pançe Toshkovski, në rrjetin social Facebook.

“Një nga qëllimet tona strategjike kryesore është rikthimi i dinjitetit të profesionit të policisë dhe fisnikërisë së thirrjes për të punuar për shtetin e vet, për qytetarët e vet dhe për sigurinë dhe mirëqenien e tyre. Gjithashtu, me rritjen e pagës prej 10% për të gjithë të punësuarit në MPB që u realizua këtë muaj, bëmë një hap drejt përmirësimit të statusit social të nëpunësve policorë, sepse vetëm nëpunësit e kënaqur policorë mund të jenë shtylla e vërtetë e sigurisë së qytetarëve dhe shtetit,” shkruan Toshkovski në postimin e tij.