Nesër samiti i Komunitetit Politik Europian, Presidenti Volodymyr Zelensky mbërrin në Tiranë

Presidenti ukrainas, Volodymyr Zelensky, ka mbërritur këtë mbrëmje në Tiranë, në kuadër të samitit të Komunitetit Politik Europian.

Zelensky është pritur nga ministri i Mbrojtjes, Pirro Vengu, në Aeroportin Ndërkombëtar “Nënë Tereza”.

Samiti i Komunitetit Politik Evropian do të zhvillojë punimet nesër në Tiranë, me pjesëmarrjen e liderëve europianë.

Ndërkohë sot liderët e Këshillit Evropian dhe të Bashkimit Evropian do të mblidhen në një darkë pune në Tiranë me udhëheqësit e rajonit të Ballkanit Perëndimor.