Ambasadori i Shqipërisë Meidani, në ndihmë të shqiptarëve nga Maqedonia që prisnin në kufirin e Bllatës

Ambasadori i Republikës së Shqipërisë në Maqedoninë e Veriut, Denion Meidani, ka treguar përkushtim të jashtëzakonshëm ndaj qytetarëve shqiptarë që po prisnin në kufirin e Bllatës për të hyrë në Shqipëri, ku shumë prej tyre kanë për qëllim ndeshjen e kombtares apo Shqipëri-Serbi.

Në një postim në rrjetin social Facebook, ambasadori Meidani ka falënderuar Policinë e Shtetit të Shqipërisë për bashkëpunimin dhe reagimin e shpejtë në normalizimin e situatës së krijuar për shkak të fluksit të lartë të qytetarëve shqiptarë nga Maqedonia, përcjell TS.

“Faleminderim për Policinë e Shtetit për reagimin dhe bashkëpunimin në normalizimin e situatës në pikën kufitare të Bllatës. Mirënjohje edhe për bizneset lokale në Dibër që na ndihmuan me shpërndarjen e ujit për udhëtarët në pritje. Solidariteti dhe përgjegjësia bëjnë gjithmonë diferencën,” – shkruan ambasadori Mejdan.

Ky veprim është vlerësuar gjerësisht nga shqiptarët në Maqedoninë e Veriut dhe opinioni publik si një shembull i ndjeshmërisë dhe përgjegjësisë që duhet të tregojnë përfaqësuesit diplomatik në momente të rëndësishme për qytetarët në veçanti për shqiptarët./TS/