Mickoski paralajmëroi luftë për BDI-në

Do të pasojnë zgjedhje në të cilat do të fitojmë bindshëm së bashku dhe do të dërgojmë mesazhin se po vjen koha e Maqedonisë, deklaroi kryeministri dhe lideri i VMRO-DPMNE-së, Hristijan Mickoski, gjatë fjalimit në Veles me rastin e përvjetorit të Lidhjes rinore e VMRO-DPMNE-së.

E dëgjoj liderin e opozitës duke thënë se LSDM-ja i ka ndërtuar themelet e Maqedonisë. Cila Maqedoni, Venko? Cilat themele i keni ndërtuar? Atë shtet të cilit ia ndërruat emrin? Atë shtet të cilit ia ndërruat flamurin, kushtetutën… apo atë që e shantazhuat me diktatin bullgar, për të cilin tani thoni se zgjidhja e vetme është të pranojmë gjithçka që kërkojnë bullgarët? Edhe vetë ata e dinë se problemi nuk është ndërrimi i kushtetutës, por ndryshimi i identitetit.

Është e qartë si drita e diellit, kjo po ndodh haptas, këtë çdo ditë e përsërisin politikanët bullgarë, dhe të gjithë e dëgjojmë e e dimë – vetëm opozita jonë nuk e sheh. Janë më të frikësuar se vetë qeveria bullgare që të mos miratohet rezoluta për gjuhën maqedonase. Sepse për 7 vite nuk bënë asgjë për të treguar të vërtetën për shantazhet, bllokadat dhe pengesat nga fqinji lindor – tha Mickoski.

Sa i përket kërkesës së BDI-së për zgjedhje të parakohshme, ai deklaroi:

“Nuk jam i sigurt nëse me të vërtetë i duan, apo thjesht mezi presin të shkojnë në opozitë. Dua të them se dy ciklet e ardhshme zgjedhore – zgjedhjet lokale që po afrohen dhe ato parlamentare, kurdo që të mbahen – do të jenë betejë për dy gjëra të mëdha që varen nga e ardhmja e shtetit.

E para është drejtësia dhe lufta kundër sistemit që i mbron kriminelët, dhe e dyta është lufta për reforma dhe deklasimi dhe riedukimin e BDI-së. Ashtu siç premtova që BDI do të shkojë në opozitë – dhe kjo ishte premtimi i parë i përmbushur i këtij mandati – tani po ju them se në këtë shtet duhet të ketë rregull dhe të respektohen ligjet.”