Ruskovska: Nuk i dija dënimet për “27 Prillin”, nuk kisha ndonjë dakordim me Zaevin

Ish-prokurorja publike dhe ish-drejtuesja e Prokurorisë Publike për Ndjekjen Penale të Krimit të Organizuar dhe Korrupsionit, Vilma Ruskovska, mohon se ajo dhe ish-kryeministri Zoran Zaev kanë rënë dakord se kush do të akuzohej për ngjarjet e “27 Prillit”.

“Vetë Zaev tha për organizatorët se ata nuk ishin fajtorë dhe se ishin manipuluar. Dhe tani ai i shkroi dënimet? Secili mund të thotë çfarë mendon, por unë pretendoj se nuk i dija dënimet. Unë pretendoj me shumë përgjegjësi. Absolutisht jo (kam pasur ndikim se kush do të akuzohej për 27 prillin). E kisha thënë diku kur po zhvilloheshin argumentet përfundimtare dhe u thashë gazetarëve se ose do të kishte lirim nga akuzat ose dënimet do të ishin të larta. Nuk ka rrugë të mesme këtu. Minimumi është shumë i lartë”, tha Ruskovska në podkastin “Osnovano Osimniçenje”.

Sa i përket të ndjerit Igor Jug, i cili thuhet në aktakuzë se ishte ngarkuar me vrasjen e Zaevit, Ruskovska thotë se ai kishte një armë, sipas një dëshmitari i cili deklaroi se arma e tij kishte rënë. Kishte regjistrime të mjaftueshme.

“Kishte monitorim të komunikimeve që nuk na lejohej t’i paraqisnim si prova me kërkesë të Prokurorisë Publike në Gjykatën e Lartë. Sipas ligjit të atëhershëm për monitorimin e komunikimeve, ai komunikim nuk mund të paraqitej në sallën e gjyqit. Nuk mund të paraqitej individualisht. Ky nuk bëri asgjë, në fund do të rezultojë se askush nuk bëri asgjë”, tha Ruskovska.