ZOO e Shkupit mohon se majmunesha e ngordhur ka qenë shtatzënë – priten rezultatet zyrtare të autopsis

Lidhur me ngordhjen e femrës nga lloji siamangu, nga Kopshti Zoologjik i Shkupit njoftojnë se arsyet e sakta të ngordhjes do të publikohen menjëherë sapo të merren rezultatet zyrtare të autopsisë, të kryer nga ekspertë të Fakultetit të Mjekësisë Veterinare, me qëllim transparencë më të madhe, ashtu siç ka qenë praktikë edhe në të kaluarën.

“Po ashtu, dëshirojmë të mohojmë spekulimet se femra siamangu ka qenë shtatzënë në momentin e ngordhjes.

Kafshët në ZOO-në e Shkupit marrin trajtim veterinar menjëherë sapo të shfaqet ndonjë simptomë apo alarm që mund të jenë të sëmura ose të lënduara. Mirëqenia e tyre monitorohet vazhdimisht nga punonjësit e ZOO-së së Shkupit dhe, falë bashkëpunimit me Fakultetin e Mjekësisë Veterinare, kemi qasje në trajtimin, diagnostikimin dhe kujdesin më të avancuar për kafshët. Për fat të keq, si tek njerëzit, edhe tek kafshët nuk mund të fitohet gjithmonë beteja me disa sëmundje, edhe kur janë ndërmarrë të gjitha masat e mundshme mjekësore”, thuhet në njoftim.

Stefan Kirkov nga VMRO-DPMNE reagoi lidhur me ngordhjen e një femre majmuni në Kopshtin Zoologjik të Shkupit.

“Bëhet fjalë për një femër shtatzënë, që i përket njërit prej llojeve më të rralla dhe të mbrojtura të majmunëve në botë”, deklaroi ai.