Murtezani: “Zgjerimi medoemos të kryesohet sipas kritereve të Kopenhagës”

Në kuadër të vizitës së sotme të punës së Ministres për Çështje Evropiane të Mbretërisë së Danimarkës, Mari Bjere, në Ministrinë për Çështje Evropiane u mbajt konferencë e përbashkët për shtyp me Ministrin për Çështje Evropiane, Orhan Murtezani.
Në fjalën e tij, Ministri Murtezani iu referua partneritetit mes Maqedonisë së Veriut dhe Danimarkës si shembull i besimit dhe respektit të ndërsjellë, duke theksuar se gatishmëria për bashkëpunim të thelluar vjen në moment vendimtar për perspektivën evropiane të rajonit. Ai përshëndeti vendimin për politikën e zgjerimit të BE-së që të jetë pjesë prioriteteve të kryesimit të ardhshëm danez me Këshillin e BE-së dhe theksoi rëndësinë që kriteret e Kopenhagës të mbeten themeli i vetëm nëpër të cilin ndërtohet politika e zgjerimit.
Ministri nënvizoi se Maqedonia e Veriut mbetet e përkushtuar ndaj reformave dhe rolit konstruktiv në rajon, e cila konfirmohet edhe me organizimin e Samitit të liderëve të Ballkanit Perëndimor për Planin e Rritjes, i cili do të mbahet në Shkup.

Në vazhdim fjalimi i plotë i Ministrit Murtezani:

E nderuara Ministër Bjere, të nderuar përfaqësues të mediave,

Kam nderin të jem nikoqir i koleges time, Ministres për Çështje Evropiane të Mbretërisë së Danimarkës, Mari Bjere, në kohë kur agjenda evropiane po fiton dinamikë të re, kur dy vendet tona po hapin hapësirë për bashkëpunim bilateral më të vrullshëm dhe për angazhim më serioz të përbashkët në krijimin e së ardhmes së Evropës. Kjo është kohë që kërkojnë vizion, guxim dhe përgjegjësi.

Danimarka gjithmonë ka qenë vend me qëndrim të qartë dhe konsistent në proceset evropiane – e zëshme në mbështetjen e vlerave, konsistente në mbrojtjen e së drejtës dhe parimore kur bëhet fjalë për zgjerimin e Unionit. Marrëdhëniet tona me Danimarkën kanë historinë e tyre të besimit, por më e rëndësishmja – kanë të ardhme që na lidh për një mirëkuptim shumë më të thellë dhe mbështetje të ndërsjellë. Dialogun e hapur patëm sot është dëshmia e kësaj.

Sinqerisht diskutim rreth marrëdhënieve tona bilaterale, për të ardhmen e Evropës dhe për vendin e Maqedonisë së Veriut në atë horizont të gjerë. Shqyrtuam prioritetet e kryesimit të ardhshëm danez me Këshillin e Unionit, që fillon muajin e ardhshëm. Në këtë kontekst, i përshëndes angazhimet e Danimarkës për një Evropë të fuqishme, demokratike dhe të sigurt, një Evropë që është rezistuese, por edhe e drejtë; që bazohet në vlera, por vepron me pragmatizëm.

Posaçërisht vlerësojmë vendosmërinë parimore të Danimarkës që zgjerimi i Bashkimit Evropian medoemos duhet të udhëhiqet ekskluzivisht nga kriteret e Kopenhagës – objektive, të matshme dhe të barabarta për të gjithë. Në kohë kur procesi është i ekspozuar ndaj presioneve dhe tendencave drejt bilateralizimit, pikërisht këto kritere janë mbrojtja jonë. Ato janë kujtesë se rruga evropiane nuk duhet të kushtëzohet me çështje jashtë thelbit të demokracisë, sundimit të së drejtës dhe tregut ekonomik funksional. Besojmë se nën lidershipin e shtetit anëtar të besueshëm si Danimarka, BE-ja do më qartë do të artikulojë angazhimin e saj ndaj rajonit dhe të tregojë se procesi nuk është vetëm i gjallë, por edhe i realizueshëm.

Vendi ynë, krahas të gjitha sfidave, mbetet i përkushtuar në atë rrugë. Planin e Rritjes të Bashkimit Evropian e mirëpritëm si mundësi për fazë të re të integrimit, i cili tanimë po sjell reforma dhe rezultate konkrete. Fakti që Maqedonia e Veriut së shpejti do të jetë nikoqir i Samitit të Liderëve të Ballkanit Perëndimor është mirënjohje e rolit tonë aktiv në formësimin e agjendës evropiane në rajon.

E nderuara Bjere,

Ju falënderoj për këtë vizitë të rëndësishme në një moment të rëndësishëm, në prag të kryesimit Daneze me Këshillin e BE-së. Prania juaj këtu nuk është vetëm një gjest miqësie, por mesazh besimi. Jam mirënjohës për bisedën e hapur dhe kuptimplotë, për respektin që treguat për përpjekjet tona dhe për mesazhet që sillni me vete. Pikërisht takimet e tilla konfirmojnë atë që po ndërtojmë vazhdimisht – partneritet që bazohet në vlera, respekti i ndërsjellë dhe aleancë e sinqertë.