Ministri Durmishi: Mbi 4.500 qytetarë kanë aplikuar tashmë, interesim i madh nga të papunët për masat e Planit operativ

Ministri i Ekonomisë dhe Punës, Besar Durmishi realizoi sot (18 qershor) vizitë pune në
Komunën e Çairit, ku së bashku me drejtorin e Agjencisë së punësimit, Selajdin Beluli,
mbajti takim me qytetarë, biznesmenë lokalë dhe përfaqësues të institucioneve publike.
Tema qendrore e takimit ishte prezantimi i Planit operativ për programet dhe masat
aktive të punësimit për vitin 2025, me të cilin Qeveria investoi një shifër rekorde prej 40
milionë eurosh në mbështetje të punësimit dhe vetëpunësimit.
"Ky nuk është vetëm plan në letër – kjo është një mundësi reale për mbi 10.000
persona të gjejnë vend të denjë pune, mbështetje për biznesin e tyre ose trajnim në
terren. Sipas informacioneve të fundit që i kam në dispozicion, janë parashtruar mbi
4.500 aplikime, gjë që tregon besim të madh në masat dhe gatishmërinë e qytetarëve
për të ndërmarrë iniciativën", deklaroi ministri Durmishi.
Theks i veçantë iu kushtua Masës 3.1 – Trajnimi te punëdhënës i njohur, një nga format
më të drejtpërdrejta të përgatitjes për punësim. Përmes kësaj mase:
– punëdhënësit kanë mundësinë të trajnojnë të punësuarit e ardhshëm sipas nevojave
të tyre,
– personat e papunë përvetësojnë shkathtësi konkrete praktike në mjedis real të punës,
– krijohet mundësi për punësim afatgjatë pas përfundimit të trajnimit.

Sektori i Koordinimit të
aktiviteteve të ministrit Sektorët për koordinimin e veprimtarisë së

ministrit

“Masa 3.1 është urë lidhëse midis të papunëve dhe punëdhënësve. Ajo ofron përfitim të
dyanshëm – kompanitë bëhen me staf të trajnuar, ndërsa qytetarët fitojnë shansin për
punë të qëndrueshme", tha Durmishi.
Me Planin operativ, ministri përkujtoi se janë aktive edhe masat e vetëpunësimit, ku
është veçanërisht i madh interesi i të rinjve deri në moshën 29 vjeç, për çka kanë
mbërritur më shumë se 3.000 aplikime.
Masa 1.1: Deri në 7.000 euro për biznes për personat mbi 29 vjeç,
Masa 1.2: Deri në 10.000 euro për të rinjtë deri në 29 vjeç me ide novatore,
Masa 1A: Deri në 20.000 EUR për bizneset e përbashkëta të së paku dy personave.
Përmes prezantimeve në terren, Ministria e Ekonomisë dhe Punës, së bashku me
Agjencinë e Punësimit, synojnë të informojnë drejtpërdrejt qytetarët dhe t'i inkurajojnë
që të aplikojnë. Pas Çairit, ku interesi ishte veçanërisht i lartë, vijojnë vizitat në Gostivar,
Kërçovë, Saraj, Likovë dhe komuna të tjera me shkallë më të lartë të papunësisë.
"Qytetarët duhet ta dinë se Qeveria qëndron pas tyre. Këto nuk janë vetëm shifra – këto
janë shanse reale për një jetë më të mirë. Qëndroni këtu, zhvilloni idenë tuaj – ne do të
jemi partnerë në atë proces", porositi ministri Durmishi.