Marta Kos: Shqipëria përparon më shpejt se kurrë drejt BE-së, kurse RMV mori një votë besimi – është koha për reforma thelbësore

Eurodeputetja Marta Kos, raportuese për Ballkanin Peréndimor në Parlamentin Evropian, ka vlerësuar ritmin e përshpejtuar të negociatave të anëtarësimit të Shqipërisë në Bashkimin Evropian, duke theksuar njëkohësisht nevojën për reforma të thella në Maqedoninë e Veriut, pas miratimit të raportit të parë për këtë vend pas tre vitesh.

Në një sërë postimesh në rrjetin X (ish-Twitter), Kos deklaroi:

“Bisedimet për anëtarësim me Shqipërinë po përparojnë më shpejt se kurrë. Në Parlamentin Evropian theksova se ky përparim është tregues i përkushtimit të Shqipërisë dhe i mbështetjes së vazhdueshme të BE-së. Një përfshirje e tillë gjithëpërfshirëse e shoqërisë është vendimtare për të mbyllur negociatat deri në vitin 2027.”

Ndërkohë, Kos nënvizoi edhe zhvillimet në Maqedoninë e Veriut, ku Parlamenti Evropian miratoi raportin e parë për vendin që nga viti 2022.

“Një votë e qartë besimi për rrugën evropiane të Maqedonisë së Veriut. Tani nevojitet përparim në sundimin e ligjit, pavarësinë e gjyqësorit dhe luftën kundër korrupsionit, duke shfrytëzuar momentumin aktual të zgjerimit.”

Deklaratat e Kos vijnë në një moment kyç për të dy vendet, teksa zgjerimi i BE-së është kthyer në një nga prioritetet strategjike të bllokut dhe vëmendja ndaj rajonit të Ballkanit Perëndimor është intensifikuar.

Shqipëria dhe Maqedonia e Veriut, që hapën së bashku negociatat formale në vitin 2022, ndodhen tani në faza të ndryshme të procesit.