Valbon Limani siguron 49 projekte infrastrukturore për Gostivarin

Pas përpilimit të projekteve, Komuna e Gostivarit arriti të sigurojë 49 projekte infrastrukturore në thirrjen e dytë të Qeverisë së Maqedonisë së Veriut.

Në ceremoninë solemne të nënshkrimit të kontratave ishte pranishëm edhe kryetari i Komunës së Gostivarit, Valbon Limani, i cili falënderoi ekipin e komunës që drejton për punën dhe përkushtimin.

“Sot jam i gëzuar veçanërisht për një arritje që i dedikohet punës dhe përkushtimit të një ekipi, siç është ky i yni! Kam kënaqësinë të ndaj me ju lajmin e mrekullueshëm që pas aplikimit arritëm të fitojmë plot 49 projekte nga kredia hungareze! Kjo është dëshmi e një pune të ndershme dhe këmbëngulëse, siç ishte përgatitja e qindra dokumenteve të sakta e mbi të gjitha mbushur me ide inovative që do t’i shërbejnë qytetit tonë. Falënderoj gjithashtu edhe qeverinë e cila tregoi gatishmëri dhe korrektësi. Urime dhe punë të mbarë”, u shpreh Limani.

Bëhet fjalë projekte që kanë të bëjnë infrastrukturë si në kanalizim ashtu dhe në asfaltim si dhe në projekte sportive dhe kënde për fëmijë.