Protestuesit izraelitë mbushin sheshin e Tel Avivit, kërkojnë armëpushim në Gaza

Mijëra qytetarë izraelitë u mblodhën mbrëmjen e së enjtes në sheshin Habima të Tel Avivit, duke kërkuar një marrëveshje për armëpushim në Gaza dhe kthimin e pengjeve të mbajtura nga Hamasi.

Në media janë parë turma të mëdha protestuesish, shumë prej të cilëve mbanin pankarta kundër luftës dhe bënin thirrje për përfundimin e menjëhershëm të konfliktit.

Pas përfundimit të tubimit, një pjesë e protestuesve kaluan në bllokimin e disa rrugëve përreth, duke u përplasur me forcat e policisë, të cilat ndërhynë për t’i shpërndarë dhe arrestuan disa persona.