Në ora 16:00 Zyrtari i lartë i Mbrojtjes së SHBA-së sot në Kosovë, pritet nga Maqedonci

Zëvendës ndihmës sekretari i Mbrojtjes i Shteteve të Bashkuara të Amerikës, David Baker sot do të qëndroj në Kosovë, derisa gjatë orëve të pasdites pritet të takohet me ministri, në detyrë të Mbrojtjes, Ejup Maqedonci.

Kështu bëri të ditur Ministria e Mbrojtjes përmes një njoftimi për media.

Pritja do të bëhet me ceremoni zyrtare në objektin e Ministrisë së Mbrojtjes, duke filluar nga ora 16:00.

“Ftohen përfaqësuesit e mediave të përcjellin këtë takim i cili shënon një hap të rëndësishëm drejt forcimit të bashkëpunimit në fushën e mbrojtjes ndërmjet Republikës së Kosovës dhe Shteteve të Bashkuara të Amerikës”, thuhet në njoftimin e MM.