Nga fushat me pluhur te ëndrrat me livandë: Fshati i Xinjiang-ut transformohet plot shkëlqim

I fshehur në luginën e lumit Ili në Rajonin Autonom të Xinjiang-Ujgurit të Kinës Veriperëndimore, fshati Sigong dikur luftonte për mbijetesë. Dheu këtu ishte i hollë, shkëmbor e i varfër për kultivim bujqësor. Rendimentet e bimëve ishin të ulëta, të ardhurat ishin të pakta dhe rrugët e fshatit ishin të qeta, në to rrallë shihje njerëz të tjerë përveç të moshuarve dhe fëmijëve. Shumica e të rinjve u larguan për të punuar në qytete të largëta.

Çdo gjë filloi të ndryshonte në vitin 2009, kur ky fshat filloi të mbillte livandë në mënyrë eksperimentale. Lulet vjollcë jo vetëm që e ndriçuan peizazhin, por edhe krijuan një të ardhme të re. Livandat sillnim fitim shumë më tepër sesa kulturat tradicionale, duke ngjallur entuziazëm për të mbjellë më shumë.

Në vitin 2017, mbi 95 % e tokës bujqësore të fshatit ishte e mbuluar me livandë.

Transformimi nuk u ndal me kaq. Në vitin 2019, fshati nisi të ndjekë një model turizmi të “jetës së ngadaltë”. U hapën bujtina, nisën të shfaqen kafenetë dhe restorantet e vogla filluan të mirëprisnin vizitorët e etur për të përjetuar fushat e livandave. Turistët shpejt i dhanë fshatit të bukur një nofkë – Huanghuang – një emër që fjalë për fjalë do të thotë “plot me diell”.

Ndërsa sektori i turizmit u zhvillua, shumë të rinj u kthyen në shtëpi, dhe madje edhe gratë që nuk kishin punuar kurrë jashtë më parë, gjetën punë vetëm pak hapa larg dyerve të tyre.

Sot, fshati krenohet me një ekonomi që ndërthur bujqësinë, përpunimin, turizmin dhe mikpritjen. Dikur një komunitet rural relativisht i varfër, fshati Sigong është sot një destinacion i gjallë dhe aromatik – duke dëshmuar se me idenë e duhur, edhe toka shkëmbore mund të rrisë diçka të jashtëzakonshme.