18 vjet pas vrasjes, sot vihet gurthemeli i memorialit për Triumf Rizën

Sot duke filluar nga ora 10:00, në lagjen Dardania të Prishtinës, tek vendi ku ka rënë në krye të detyrës zyrtari policor Triumf Riza, do të mbahet ceremonia e homazheve pranë pllakës përkujtimore kushtuar atij.

Gjatë kësaj ceremonie do të bëhet edhe vendosja e gurthemelit të memorialit i cili do të ndërtohet si simbol nderimi dhe kujtimi për veprën e Rizss dhe për sakrificën e të gjithë zyrtarëve policorë që kanë dhënë jetën në krye të detyrës, ka njoftuar Policia e Kosovës.

Në këtë ngjarje pritet të marrin pjesë personalitete të larta shtetërore, përfshirë kryeministrin në detyrë, Albin Kurti, ministrin e Punëve të Brendshme në detyrë, Xhelal Sveçla, drejtorin e Përgjithshëm të Policisë së Kosovës, kolonel Gazmend Hoxha, si dhe eprorë të lartë të Policisë së Kosovës.

Para seancës, Kurti do të shkojë për homazhe pranë pllakës përkujtimore të Triumf Rizës
Polici Trium Riza u vra 18 vjet më parë. Enver Sekiraqa, i dënuar me 25 vjet burgim nga Gjykata Themelore e Prishtinës për nxitje në vrasjen e ish-policit, Triumf Riza, që nga maji i vitit të kaluar është në arrati./Reporteri.net