Ukraina kreu një sulm të fuqishëm në territorin rus, duke lëshuar mbi 200 dronë

Rusia sot njoftoi se gjatë natës ka rrëzuar 221 dron ukrainas në një nga sulmet më të mëdha të ushtrisë ukrainase gjatë tre e gjysmë viteve të agresionit rus ndaj Ukrainës.

Sulmi ndodhi përpara fillimit të stërvitjeve të mëdha ushtarake ruso-bjelloruse pranë Minskut.

“Nga dronët që u interceptuan dhe u rrëzuan nga mbrojtja ajrore, nëntë ishin në rajonin e Moskës, ndërsa 28 në rajonin e Shën Petersburgut, qyteti i dytë më i madh në vend,” njoftoi Ministria e Mbrojtjes përmes rrjetit social Telegram.

Në rajonin veriperëndimor të Shën Petersburgut, larg fronit dhe pranë vendeve baltike dhe Finlandës, një anije u përfshi nga zjarri në portin Primorsk në Detin Baltik, tha guvernatori Aleksandër Drozhdenko. Ai shtoi se zjarri është nën kontroll dhe nuk ka rrezik nga rrjedhja e naftës.

Ndërsa ushtria ruse bombardon Ukrainën çdo ditë që nga shkurti i vitit 2022, Ukraina dërgon dronë drejt Rusisë gjatë natës.

Në javët e fundit, ushtria ukrainase ka përqendruar sulmet e saj ndaj infrastrukturës naftës, një sektor kyç të ekonomisë ruse që Perëndimi dëshiron ta sanksionojë.