Si do bëhet dekretimi i ministrit virtual, Presidenca sqaron procedurën
Presidenca ka dhënë një përgjigje lidhur me kuadrin ligjor mbi të cilin do të bëhet dekretimi i ministrit virtual Diella, të prezantuar një ditë më parë nga kryeministri Edi Rama në Asamblesë së PS.
Në përgjigje të interesit të mediave, Presidenca sqaron se Neni 2 i dekretit e ngarkon Kryeministrin me një funksion specifik, sipas propozimit të partisë fituese në zgjedhjet e 11 majit, PS.
“Sot Presidenti i Republikës ka dekretuar vetëm Kryeministrin. Ministrat do të dekretohen në një ditë të mëvonshme. Baza kushtetuese e dekretit ndodhet në rreshtin hyrës të tij.
Dekretimi i Kryeministrit bëhet sipas propozimit të partisë fituese në zgjedhje.
Neni 2 i dekretit e ngarkon Kryeministrin me një funksion specifik, gjithashtu sipas të njëjtit propozim.
Sa i takon referencave për nenet 102 dhe 103, Kryeministri i plotëson kushtet dhe kërkesat e parashikuara në këto dy nene”, thuhet në sqarimin e Presidencës.
