Hoxha dhe Memishi takohen me bujqit e Sllatinës: Premtohet hapja e Njësisë Rajonale në Tearcë

Zëvendësministri i Bujqësisë, Pylltarisë dhe Ekonomisë së Ujërave, Albrim Hoxha dhe kandidati i VLEN-it për Tearcën, Daut Memishi, zhvilluan sot një takim me bujqit e fshatit Sllatinë, ku dëgjuan nga afër sfidat dhe nevojat e tyre informon Tetovasot.

Në këtë takim, Memishi premtoi se shumë shpejt do të iniciohet hapja e një Njësie Rajonale për Bujqësi në Komunën e Tearcës, që do t’u shërbejë fermerëve si pikë kontakti për mbështetje dhe shërbime.

“Rajoni i Pollogut dikur ka qenë një nga zonat me potencialin më të madh bujqësor në vend, por për fat të keq është lënë pas dore. Me mbështetjen e pushtetit qendror, do të punojmë për çdo bujk dhe shumë shpejt do të hapet një Njësi Rajonale për Bujqësi në Tearcë”, tha Memishi.

Hoxha dhe Memishi theksuan se hapja e kësaj njësie do të jetë një hap i rëndësishëm drejt zhvillimit rural dhe përmirësimit të kushteve për bujqit lokalë.TS

Statusi i ploti i Daut Memishit :

Me zëvendësministrin e Bujqësisë, Pylltarisë dhe Ekonomisë së Ujërave, z. Albrim Hoxha, zhvilluam një takim me bujqit e fshatit Sllatinë, ku bashkëbiseduam për sfidat dhe vështirësitë me të cilat ata përballen çdo ditë.
Rajoni i Pollogut dikur ka qenë një nga zonat me potencialin më të madh bujqësor në vend, por për fat të keq, vitet e fundit është lënë pas dore. Askush nuk është kujdesur për bujqit tanë, për tokën dhe për zhvillimin rural siç duhet.
Para qytetarëve të Tearcës premtoj se me mbështetjen e pushtetit qendror, do të punojmë për çdo bujk dhe shumë shpejt do të inicioj hapjen e një Njësie Rajonale për Bujqësi në Komunën e Tearcës. Kjo njësi do të jetë një derë e hapur për të gjithë bujqit, ku do të marrin ndihmën dhe mbështetjen që meritojnë.