AKI kërkon dorëheqjen e Izet Mexhitit: Fushata nuk mund të zhvillohet nga kabineti i ministrit (VIDEO)

Aleanca Kombëtare për Integrim (AKI) ka reaguar ashpër ndaj mënyrës se si po zhvillohet fushata zgjedhore nga ana e ministrit aktual, Izet Mexhiti. Në një deklaratë për media, AKI ka kërkuar dorëheqjen e menjëhershme të Mexhitit nga posti i ministrit, duke e akuzuar për përdorim të resurseve shtetërore për qëllime partiake, raporton TS.

“Fushata zgjedhore nuk mund dhe nuk duhet të zhvillohet nga kabineti i një ministri. Kjo është një shkelje flagrante e standardeve demokratike dhe një abuzim me funksionin publik,” thuhet në reagimin e AKI-së.

Sipas tyre, Izet Mexhiti po e përdor pozitën ministrore për përfitime politike dhe kjo, sipas AKI-së, dëmton besimin e qytetarëve në një proces zgjedhor të drejtë dhe të barabartë.

“AKI kërkon që z. Mexhiti të zgjedhë: ose të jetë ministër i të gjithë qytetarëve, ose kandidat në fushatë. Të dyja nuk mund të shkojnë bashkë,” theksohet më tej në reagim.