Gjendet një person i pajetë pranë hekurudhës Peqin–Elbasan

Një person i pajetë është gjetur mesditën e kësaj të shtune pranë trasesë së hekurudhës që lidh Peqinin me Elbasanin.

Trupin e viktimës e ka pikasur një kalimtar i rastësishëm, i cili ka njoftuar menjëherë policinë.

Në vendngjarje kanë mbërritur forcat e policisë, shërbimi zjarrfikës dhe ambulanca, të cilat po kryejnë veprimet hetimore dhe kanë rrethuar zonën.

Aktualisht po punohet për identifikimin e viktimës dhe përcaktimin e shkaqeve të vdekjes.

Burime nga policia bëjnë me dije se hetimet janë në vijim dhe pritet të ketë më shumë detaje gjatë orëve në vazhdim.