Futbollisti në telashe të mëdha – e dashura e ‘kap’ me një tjetër grua
Ylli kamerunas Nicolas Moumi Ngamaleu është futur në telashe të mëdha.
Duke luajtur në Rusi për Dynamo Moscow, sulmuesi u kap “mat” nga e dashura e tij në një skandal tradhtie.
Partnerja e tij, një influencuese ruse, e kapi me një grua tjetër dhe raportohet se pas incidentit thirri policinë.
Moumi është përfshirë në listën e Kamerunit për ndeshjen vendimtare të “play-off” të kualifikimeve të Kupës së Botës të CAF kundër Republikës Demokratike të Kongos më 13 nëntor.
Sipas raportimeve të mediumit nga Gana “Yen”, Nicolas Moumi Ngamaleu është përfshirë në një skandal tradhtie.
31-vjeçari jeton në Moskë, ku luan për Dynamo Moscow.
Scandal in Russia involving Nicolas Moumi Ngamaleu Cameroonian international in an adultery scandal
According to reports, his partner caught him in the act and called the police.
A detail shocked many fans, he was wearing the shorts of national team of Cameroon at that time… pic.twitter.com/P1cFTDgovv
— Kara (@UTDKara) November 10, 2025
Futbollisti kamerunas ka qenë në një lidhje afatgjatë me influencueren ruse, Nikki Seey.
Megjithatë, Seey e kapi futbollistin “mat” në apartamentin e tyre në Moskë të dielën.
Ajo arriti së bashku me një mikeshë, pasi kishte marrë vesh se 31-vjeçari kishte sjellë një tjetër grua në shtëpi.
Raportimi thotë se Ngamaleu i mohoi hyrjen, duke pretenduar se “xhaxhai” i tij kishte ardhur për ta vizituar.
Seey më pas thirri policinë, e cila hyri me forcë në apartament.
Ngamaleu u filmua gjatë incidentit me pantallonat e ekipit të Kamerunit, ndërsa gruaja tjetër përpiqej të mbulonte fytyrën para kamerës.
Gazetari afrikan i futbollit Micky Jnr raportoi gjithashtu se Nikki Seey ka mbledhur sendet e saj dhe është larguar nga apartamenti.
Autoritetet lokale po hetojnë rastin, ndërkohë që Ngamaleu është urdhëruar të largohet nga banesa.
Nicolas Moumi Ngamaleu u transferua te Dynamo Moscow nga Young Boys në vitin 2022.
31-vjeçari ka shënuar 14 gola në 78 ndeshje për skuadrën ruse. Me kombëtaren e Kamerunit, ai ka luajtur 63 herë dhe ka shënuar 5 gola.
Kameruni përballet me DR Kongon në një ndeshje vendimtare kualifikuese për Kupën e Botës më 13 nëntor.
Ngamaleu është përfshirë në skuadër për ndeshjen, por ende nuk dihet nëse konflikti i tij personal do ta pengojë të jetë i disponueshëm.