Prof. Dr. Berton Sulejmani nderohet me titullin “Mik i Labërisë” në Takimin Kombëtar “Gjuha shqipe – identiteti ynë”

Më 15 nëntor 2025, në Universitetin “Eqrem Çabej” të Gjirokastrës u mbajt Takimi Kombëtar
“Gjuha shqipe – identiteti ynë”, organizuar nga Shoqata Atdhetare Kulturore “Labëria – Nderi i
Kombit” në bashkëpunim me universitetin pritës.
Në këtë aktivitet mbarëkombëtar, nga Universiteti i Tetovës mori pjesë Prof. Dr. Berton Sulejmani i
cili e paraqiti kumtesën me temë: “Gjuha shqipe në Maqedoninë e Veriut sot (statusi i pabarabartë
kushtetues me gjuhën maqedonase)”, ku trajtoi çështje thelbësore mbi pozitën juridike dhe
funksionale të gjuhës shqipe në institucionet e Republikës së Maqedonisë së Veriut.
Në përmbyllje të veprimtarisë, profesor Sulejmani u dekorua me titullin “Mik i Labërisë”, akorduar
nga Kryesia e Shoqatës Atdhetare Kulturore “Labëria – Nderi i Kombit”, në vlerësim të kontributit
të tij të shquar në albanologji, gjuhësi dhe në promovimin e vlerave kombëtare. Dekoratën ia
dorëzoi Maestro Zhani Ciko, një nga personalitetet më të spikatura të artit muzikor shqiptar.
Në këtë veprimtari mori pjesë edhe Shkëlqesia e Tij, Presidenti i Republikës së Shqipërisë, z.
Bajram Begaj.