Siria feston një vjetorin e rrëzimit të Assadit (VIDEO)
Mijëra njerëz dolën në rrugët e qytetit qendror sirian të Hama-s për të shënuar përvjetorin e dëbimit të forcave besnike ndaj Bashar al-Assad-it.
Më 5 dhjetor 2024, rebelët e udhëhequr nga presidenti aktual sirian Ahmed al-Sharaa morën kontrollin e Hamës, që ishte përparimi i tyre i dytë në një ofensivë të shpejtë kundër kryeqytetit.
Disa ditë më vonë, ata pushtuan Damaskun, duke i dhënë fund sundimit 24-vjeçar të al-Assadit dhe dinastisë së familjes së tij, ndërsa ai iku në Rusi.
Pamjet tregojnë festime dhe njerëz që valëvisin flamuj.
Rënia e Al-Assad mbart një peshë të veçantë në Hama, e cila pësoi një shtypje brutale në vitin 1982 nën drejtimin e babait të tij, ish-presidentit Hafez al-Assad.
Në shtypjen e kryengritjes, forcat qeveritare rrethuan dhe bombarduan qytetin, duke mbledhur dhe qëlluar burra dhe djem të rinj.
Rrjeti Sirian për të Drejtat e Njeriut vlerëson se u vranë midis 30,000 dhe 40,000 njerëz, përfshirë familje të tëra.
Udhëheqësi i ri i Sirisë, Ahmed al-Sharaa, i cili dikur drejtoi degën e al-Kaedas në Siri dhe më pas grupin e shkëputur Hayat Tahrir al-Sham, ka bërë një kthesë të habitshme që kur mori pushtetin në vend, duke rivendosur kryesisht statusin ndërkombëtar të Sirisë dhe duke siguruar lehtësim të rëndësishëm të sanksioneve.
Në shtator, ai u bë udhëheqësi i parë sirian që iu drejtua Asamblesë së Përgjithshme të Kombeve të Bashkuara në gjashtë dekada.
View this post on Instagram