Forca pas ndryshimit: Si pedagogia Semra Halili Jusufi dhe psikologia Makfire Sherifi ngritën një gjimnaz në nivel tjetër

Në Gjimnazin “7 Marsi”, dy figura profesionale kanë sjellë një frymë të re, një energji të re dhe një standard krejt tjetër të punës me nxënësit: pedagogia Semra Halili Jusufi dhe psikologia Makfire Sherifi. Në pak vite, angazhimi i tyre i pandalshëm ka transformuar këtë shkollë në një hapësirë më të sigurt, më edukative dhe shumë më pranë nevojave të vërteta të nxënësve shkruan Tetovasot.

Roli i tyre nuk është vetëm profesional, por edhe njerëzor.
Ato kanë krijuar një atmosferë të hapur komunikimi, ku nxënësit – pavarësisht problematikave ,gjejnë gjithmonë derën e hapur, fjalën e duhur dhe mbështetjen që shpesh mungon në institucionet tona arsimore. Për çdo sfidë, për çdo paqartësi, për çdo krizë adoleshente, nxënësit shkojnë te pedagogia dhe psikologia, sepse e dinë se aty nuk do të marrin vetëm këshillë, por edhe kuptim, empati dhe drejtim të saktë.

Përmes punëtorive të tyre të shumta, të guximshme dhe shpesh herë të pazakonshme për moshën shkollore, ato kanë trajtuar tema që tradicionalisht janë lënë në heshtje:
– shëndeti mendor,
– presioni i moshatarëve,
– bullizmi,
– vetëbesimi,
– marrëdhëniet shoqërore e familjare,
– siguria emocionale,
– orientimi profesional,
– menaxhimi i stresit dhe ankthit,
– zhvillimi personal dhe motivimi.

Këto punëtori kanë sjellë mesazhe të fuqishme, të prekshme, të nevojshme duke u bërë një urë mes shkollës dhe shpirtit të nxënësit. Ato nuk po edukojnë vetëm nxënës të mirë, por po formojnë njerëz të vetëdijshëm, të fortë dhe të përgjegjshëm.

Pedagogia Semra Halili Jusufi dhe psikologia Makfire Sherifi nuk janë thjesht dy profesione në shkollë , ato janë shtyllat e zhvillimit emocional dhe social të gjimnazistëve. Janë mentorë, udhërrëfyes, motivues dhe një mbështetje e pakushtëzuar për çdo nxënës që kalon portat e Gjimnazit “7 Marsi”.

Rëndësia e pedagogëve dhe psikologëve në institucionet shkollore është jetike.
Janë ata që identifikojnë nevojat e fëmijëve, që ndërhyjnë në kohë, që parandalojnë probleme serioze, që krijojnë ura bashkëpunimi mes mësuesve, prindërve dhe nxënësve. Në një shoqëri ku sfidat sociale dhe emocionale rriten çdo ditë, roli i tyre është i pazëvendësueshëm.

Falë punës së tyre të palodhur, Gjimnazi “7 Marsi” nuk është më thjesht një institucion arsimor, por një hapësirë zhvillimi, mirëkuptimi dhe humanizmi.
Semra Halili Jusufi dhe Makfire Sherifi janë dy prej figurave që po e ngrenë këtë shkollë në një nivel tjetër.
Ato janë shembulli se si profesionalizmi, përkushtimi dhe dashuria për punën mund të ndryshojnë një realitet të tërë.

Në këtë shkollë, nxënësit nuk marrin vetëm arsimim ,
marrin edukim, vlera dhe mbështetje që i shoqëron gjatë gjithë jetës.Tetovasot