Roma nuk gabon ndaj Genoas, vazhdon luftën për titull

Roma ka arritur të marrë një fitore të madhe në shtëpi, duke e ‘shkatërruar’ Genoan qësh në pjesën e parë.

Të besuarit e Gian Piero Gasperinit fituan 3-0 në “Stadio Olimpico” ndaj Genoas, që drejtohet nga ikona e Romës, Daniele de Rossi.

Serinë e golave në kryeqytet e hapi Matias Soule, i cili shënoi në minutën e 14-të.

Vetëm pesë minuta më vonë, Manu Kone shënoi për 2-0 pas asistimit nga Evan Ferguson.

Ky i fundit shënoi edhe gol, duke shfrytëzuar një tollovi në mbrojtjen e Genoas, për rezultatin 3-0.

Pjesa e parë u mbyll kështu, teksa ajo e dyta e prodhoi vetëm një gol.

Rastet ishin të pakta nga të dy anët, mirëpo ishin mysafirët që shënuan golin e nderit.

Ishte Jeff Ekhator që shënoi për 3-1, në minutën e 87-të të ndeshjes.

Me këto tri pikë, Roma shkon në kuotën e 33 pikëve, në vendin e katërt, tri më pak se Interi në vendin e parë.

Vendi i dytë shkon për Milanin me 35 pikë, teksa Napoli është i treti me 34 pikë.

Top 5-shen e mbyll Juventusi me 32 pikë. Ndërkohë, Genoa e De Rossit gjendet në vendin e 17-të me 14 pikë, duke luftuar për mbijetesë.

Ndeshjen e ardhshme, Roma e luan në vitin 2026, me 3 janar në Bergamo ndaj Atalantës.

Ndërsa, Genoa e pret Pisën, po në të njëjtën ditë.