Valbon Limani pas votimit: Sot është ditë me bereqet. Në fund duhet të fitojnë gostivarasit, festojmë së bashku në mbrëmje (VIDEO)

Kandidati i AKi-së për kryetar të Gostivarit, Valbon Limani, ka votuar sot në kuadër të zgjedhjeve të përsëritura, duke e cilësuar ditën si të suksesshme.

“Sot realizuam. Ditë me bereqet. Në fund duhet të fitojnë gostivarasit”, u shpreh Limani pas votimit.

Ai theksoi se dalja e ulët e votuesve në orët e paradites është kryesisht për shkak të kushteve kohore, por shprehu bindjen se pasdite pritet fluks më i madh i votuesve.

“Në mbrëmje do të festojmë së bashku”, deklaroi Limani, duke shprehur optimizëm për rezultatin final të zgjedhjeve në Gostivar./TS/