Ali Ahmeti falënderon qytetarët pas fitores së Valbon Limanit në Gostivar (VIDEO)

Pas shpalljes së fitores së kandidatit të Aleancës Kombëtare për Integrim, Valbon Limanit për kryetar të komunës së Gostivarit, Ali Ahmeti përmes një fjalimi falënderoi qytetarët për pjesëmarrjen dhe mbështetjen e tyre gjatë zgjedhjeve, raporton TS.

Ai theksoi se në Vrapçisht dhe Gostivar ishte tentuar përdorimi i bojkotit dhe shantazhit për të penguar zhvillimin normal të zgjedhjeve lokale në rrethin e parë, por qytetarët arritën që të sigurojnë një proces të drejtë dhe të rregullt.

“Dua të falënderoj të gjithë qytetarët që kontribuan në këtë fitore. Pjesëmarrja dhe vendosmëria e tyre treguan se vullneti i qytetarëve është vendimtar për të ardhmen e komunës,” tha Ahmeti.

Fitorja e Limanit pasqyron përfundimin e procesit zgjedhor dhe konsolidimin e rezultatit në Gostivar./TS