Dosja për financimin e kuvendit të “Rithemelimit”, Indrit Hoxha thirret në SPAK

Këtë të martë, në SPAK është paraqitur Indrit Hoxha, i cili është thirrur për fraksionin dhe hetimin e financimit të kuvendit të “Rithemelimit” të 11 dhjetorit 2021. Hoxha është Sekretar për Diasporën në PD.

Nga burime thuhet se ky fraksion ka të bëjë me hetimin pasuror për kreun e PD-së, Sali Berisha në kuadër të dosjes për ish-Klubin Partizani, dhe po ndiqet nga prokurori i posaçëm Arben Kraja.

Hetimi përqendrohet tek shpenzimet e kryera për kuvendin e “Rithemelimit” të PD-së, që u zhvillua më 11 dhjetor 2021.

Kujtojmë se ditën e djeshme për të njetën çështje ishte në SPAK edhe deputeti demokrat Belind Këlliçi, i cili qëndroi për më shumë se një orë e 30 minuta dhe dha shpjegime para oficerëve të policisë gjyqësore.

“U thirra për një çështje periferike nga prokurori Arben Kraja”, u shpreh Këlliçi, pa dhënë shpjegime të mëtejshme.

Burimet thanë se ai u pyet në cilësinë e personit që ka dijeni, lidhur me një hetim pasuror që po kryen SPAK.

Dosja për financimin e kuvendit të "Rithemelimit", Indrit Hoxha thirret në SPAK pic.twitter.com/W5GilphTZI

— Euronews Albania (@EuronewsAlbania) January 13, 2026