Përfundojnë bisedimet në Gjenevë, pala ruse i quan “të vështira”

Bisedimet e paqes në Gjenevë të cilat të mërkurën ishin në ditën e dytë, kanë përfunduar.

Agjencia Reuters ka cituar një zyrtar ukrainas të ketë thënë se bisedimet kanë zgjatur rreth dy orë.

Ndërkaq kryenegociatori kryesor i Moskës, Vladimir Medinsky, ka deklaruar pas përfundimit të tyre se bisedimet ishin “të vështira” por se ato do të vazhdojnë “së shpejti”.

“Negociatat zgjatën dy ditë: shumë gjatë dje në formate të ndryshme, dhe rreth dy orë sot. Ishin të vështira, por profesionale”, është cituar të ketë thënë ai.

Medinsky ka shtuar se takimi i radhës do të mbahet së shpejti.