Sulmi ndaj objektit më të madh të gazit në Iran, çmimi i naftës në Evropë do arrijë në 110$/ fuçi

Tregu evropian i energjisë reagoi menjëherë ndaj zhvillimeve me sulmin ndaj objektit të gazit natyror South Pars në Iran dhe kërcënimet për hakmarrje, me çmimet e gazit natyror dhe naftës që shënuan një rritje të re.

Brent, benchmark-u kryesor për naftën bruto, po forcohej me më shumë se 5.9% në orën 16:45, duke iu afruar 109.5 dollarë për fuçi, gjë që pasqyron shqetësimin e përgjithshëm të tregjeve në lidhje me sigurinë energjetike.

Televizioni shtetëror i Iranit raportoi se Izraeli dhe SHBA-të sulmuan sot objektet iraniane në Gjirin Persik, të cilat janë fushat më të mëdha të gazit në botë.