Ministri spanjoll i kërkon Iranit të angazhohet në negociata

Ministri i Jashtëm i Spanjës, José Manuel Albares, i ka bërë thirrje Iranit të angazhohet në negociata me “mirëbesim”, përpara bisedimeve të planifikuara këtë fundjavë.

Në një deklaratë për gazetarët, Albares theksoi se gjatë një bisede me homologun e tij iranian, Abbas Araghchi, i kishte kërkuar ndalimin e të gjitha lëshimeve të raketave dhe dronëve, si një hap i domosdoshëm për uljen e tensioneve.

Kryediplomati spanjoll dënoi gjithashtu sulmet e vazhdueshme të Izraelit ndaj Liban, duke i cilësuar ato si të papranueshme dhe në shkelje të së drejtës ndërkombëtare dhe asaj humanitare.

“Libani është një turp për ndërgjegjen e njerëzimit. Niveli i dhunës dhe shkeljet janë të papranueshme,” u shpreh Albares.

Nga ana tjetër, autoritetet izraelite kanë deklaruar se operacionet e tyre kanë në shënjestër Hezbollah, grupin e armatosur të mbështetur nga Irani.