Trump lëshon kërcënim të ri për anijet e marinës së Iranit: Nëse afrohen do eleminohen menjëherë

Presidenti Donald Trump e ka paralajmëruar Iranin të qëndrojë larg anijeve amerikane që po zbatojnë bllokadën e së hënës ndaj porteve të vendit.

Trump pranoi se Irani ende ka një numër anijesh sulmi të shpejtë pavarësisht humbjeve të mëdha të marinës së tij gjatë Operacionit “Epic Fury”.

Marina e Iranit është në fund të detit, plotësisht e shkatërruar – 158 anije. Ajo që nuk kemi goditur është numri i tyre i vogël i atyre që ata i quajnë ‘anije sulmi të shpejtë’, sepse nuk i konsideronim shumë si kërcënim”, shkroi Trump.

Kujdes: Nëse ndonjë nga këto anije i afrohet BLLOKADËS sonë, ato do të ELIMINOHEN menjëherë, duke përdorur të njëjtin sistem vrasjeje që përdorim kundër tregtarëve të drogës në anijet në det. Është i shpejtë dhe brutal”, shtoi ai.