Gruaja dyshohet se keqtrajtoi foshnjën tre muajshe, arrestohen edhe dy persona

Një rast tronditës është raportuar në Tetovë, ku një grua 42-vjeçare nga Prilepi, me banim në Tetovë, dyshohet se ka keqtrajtuar foshnjën e saj tre muajshe.

Sipas policisë, më 14 qershor rreth orës 16:00 është raportuar se gruaja ishte parë duke e maltretuar fizikisht dhe duke e përplasur në asfalt foshnjën e saj. Kalimtarët që kanë vërejtur ngjarjen kanë reaguar menjëherë, duke ia marrë fëmijën dhe duke njoftuar autoritetet.

Policia arrestoi gruan në Tetovë, ndërsa më vonë në fshatin Saraqinë u arrestua edhe një 37-vjeçar. Për rastin janë njoftuar punonjësit socialë dhe inspektorët për të mitur, ndërsa pas dokumentimit të plotë do të ngrihen kallëzime përkatëse.TS