Kallas reagon pasi SHBA i vendosi sanksione Gjykatës Penale Ndërkombëtare, përmend dialogun si mundësi

Kallas reagon pasi SHBA i vendosi sanksione Gjykatës Penale Ndërkombëtare, përmend dialogun si mundësi

Përfaqësuesja e Lartë e Bashkimit Evropian për Politikë të Jashtme, Kaja Kallas, ka riafirmuar mbështetjen e BE-së për Gjykatën Penale Ndërkombëtare pas njoftimit të Shteteve të Bashkuara për vendosjen e sanksioneve ndaj saj.

Kallas ka bërë të ditur se ka biseduar me presidenten e GJPN-së, Tomoko Akane, pas njoftimit amerikan, duke theksuar se periudha gjashtëmujore para hyrjes në fuqi të masave ofron mundësi për dialog.

“GJPN-ja është gurthemeli i sistemit ndërkombëtar të drejtësisë penale. Ajo ndjek penalisht individët përgjegjës për krimet më të rënda sipas së drejtës ndërkombëtare”, ka shkruar Kallas.

Ajo ka theksuar se Bashkimi Evropian e ka mbështetur gjithmonë Gjykatën dhe se ka mundësi për të siguruar vazhdimin e punës së saj.

“Mbrojtja e GJPN-së mbetet prioritet për BE-në”, ka deklaruar Kallas.

Reagimi i saj vjen pas njoftimit të administratës së presidentit amerikan, Donald Trump, për vendosjen e sanksioneve ndaj Gjykatës Penale Ndërkombëtare.

The ICC is the cornerstone of the international criminal justice system. It prosecutes individuals responsible for the most serious crimes under international law. I have spoken with ICC President Tomoko Akane following the United States’ announced intention to impose sanctions. The six-month period before the measures take effect offers a window for dialogue. The EU has always supported the Court, and the EU has options to ensure that it can continue its vital work. Protecting the ICC remains an EU priority.

— Kaja Kallas (@kajakallas) October 9, 2026