Arrestohet tetovari që kërcënoi në rrjetet sociale

Një 44-vjeçar nga Tetova është arrestuar nga policia nën dyshimin për veprën penale “rrezikim i sigurisë përmes sistemit informatik”, raporton Tetovasot.
Sipas SPB Tetovë, më 11 tetor rreth orës 10:00 është privuar nga liria Xh.L. (44), pasi dyshohet se një ditë më parë, në periudhën nga ora 14:00 deri në 16:00, ka dërguar kërcënime ndaj një personi përmes një rrjeti social.
Siç mëson Tetovasot, i dyshuari është ndaluar në stacionin policor, ndërsa pas dokumentimit të plotë të rastit ndaj tij do të parashtrohet kallëzimi përkatës penal.