Kroaci, Lamborghini rrëshqet nga rruga dhe përfundon mbi barrierën mbrojtëse

Një drejtues i një Lamborghini me targa britanike, teksa lëvizte me shpejtësi të madhe në autostradën kroate A1, doli nga rruga në drejtim të Dubrovnikut dhe përfundoi mbi barrierën mbrojtëse.

Është vërejtur gjithashtu edhe një Ferrari, çka çon në dyshimin se dy automjetet mund të kenë qenë duke garuar.

Për fat të mirë, nuk ka pasur të lënduar, raportojnë autoritetet kroate, përcjell KosovaPress.

Klubi Kroat i Automobilave (HAK) paralajmëron se rrugët janë në disa vende të rrëshqitshme dhe shoferët këshillohen që t’i përshtatin shpejtësinë dhe mënyrën e drejtimit të mjetit me kushtet e rrugës.