Gruaja nga Gjakova e paraqet burrin në polici, refuzon strehimin

Një person është arrestuar në Gjakovë nën dyshimin për dhunë ndaj bashkëshortes.

Sipas raportit 24 orësh të Policisë, viktima ka refuzuar strehimin dhe ka thënë se ndjehet e sigurt në banesën e saj.

“Gjakovë / 08.11.2026 – 11:30. Është arrestuar i dyshuari mashkull kosovar nën dyshimin se i njëjti ka kryer veprën e lartcekur ndaj viktimës femër kosovare. Viktima nuk ka lëndime dhe ka refuzuar strehimin, ndërsa ka deklaruar se ndjehet e sigurt në banesën e saj.”, thuhet në raportin 24-orësh.

Sipas njoftimit, i dyshuari, pas intervistimit, me vendim të prokurorit, është dërguar në mbajtje.