Mickoski: E dinin se kush është Macura, dokumentet e konfirmojnë- Qeveria e LSDM-së merr vendim për marrëdhënie afariste me Alta Bankën
Kryetari i Qeverisë, Hristijan Mickoski, në rubrikën „Tema e ditës“ në edicionin e lajmeve të televizionit Sitel, theksoi se opozita e dinte saktësisht se kush është Davor Macura. Dokumentet konfirmojnë se Qeveria e udhëhequr nga LSDM-ja, në vitin 2023, kishte marrë vendim për marrëdhënie afariste me Alta Bankën dhe kjo dëshmon hipokrizinë e tyre.
„Me atë dokument të vitit 2023, në të cilin, në një mbledhje qeveritare të atëhershme, partnerët e koalicionit, LSDM-ja dhe BDI-ja, hyjnë në, kushtimisht thënë, marrëdhënie afariste me Alta Bankën e Serbisë, përkatësisht me personin Davor Macura, konfirmohet qartë hipokrizia dhe standardet e dyfishta të tyre kur flasin për atë që ka ndodhur deri më tani“, theksoi kryeministri Mickoski.
Kryeministri Mickoski sqaroi se dokumenti e hedh poshtë tezën e LSDM-së dhe e dëshmon të vërtetën, përkatësisht se pikërisht Qeveria e LSDM-së kishte hyrë në një marrëveshje biznesi me Macurën dhe Alta Bankën.
Kryeministri Mickoski sqaroi se dokumenti e hedh poshtë tezën e LSDM-së dhe e dëshmon të vërtetën, përkatësisht se pikërisht Qeveria e LSDM-së kishte hyrë në marrëveshje afariste me Macurën dhe Alta Bankën.
„Teza e tyre ishte se ne kinse kishim lidhje personale me personin Davor Macura, i cili ishte bankier personal i Aleksandar Vuçiqit etj. Dhe ata nuk e kanë njohur personin Macura, Alta Bankën, kjo ishte teza e tyre.
Çfarë është dokumenti i vitit 2023, të cilin e prezantova sot dhe i cili u shfaq në disa prej mediave. Ky është një dokument me të cilin Qeveria, me propozim të ministrit të atëhershëm të Financave, në një mbledhje qeveritare të kryesuar nga kryetari i atëhershëm i Qeverisë, Dimitar Kovaçevski, merr vendim për të autorizuar Avokatin e Shtetit që ta përfaqësojë në procesin në të cilin Qeveria e Maqedonisë tjetërson aksionet e saj në Alta Bankën, përkatësisht te personi Davor Macura. Nëse kanë qenë të detyruar apo nuk kanë qenë të detyruar, kjo nuk është kështu dhe kjo nuk e zbeh tezën e gabuar se kjo Qeveri ka hyrë në marrëveshje afariste me Macurën dhe Alta Bankën“, theksoi kryeministri Mickoski.
Kryeministri Mickoski shtoi se e vërteta është se qeveria e mëparshme edhe nëse ka qenë e detyruar, është ajo që ka hyrë në marrëdhënie afariste me Alta Bankën dhe personin Davor Macura dhe jo kjo Qeveri.
„Ne nuk mund të hyjmë, sepse bëhet fjalë për pronarët e aksioneve të Stopanska Banka SHA Manastir dhe Alta Bankës së Serbisë, e cila blen aksione nga pronarët privatë, jo nga Qeveria. Ndërsa qeveria e mëparshme e njihte saktësisht personin Macura dhe Alta Bankën e Serbisë“, deklaroi kryeministri Mickoski.
Lidhur me atë nëse kjo Qeveri ka dhënë leje, kryeministri Mickoski sqaroi se Qeveria nuk mund të lejojë ose të mos lejojë miratimin apo pengimin e marrëdhënieve debitore-kreditore ose të shitblerjes së një banke ndërmjet dy personave privatë.
„Ne jemi Qeveri dhe jemi jashtë këtij procesi. Nëse janë respektuar dispozitat ligjore, rregullat dhe rregulloret, ne vetëm mund ta ndjekim këtë proces nga jashtë, pasi nuk jemi pala që mund të japë ose të mos japë leje. Nuk mund të ndodhë që shteti të përzihet në vendimet afariste të kompanive private, sepse atëherë nuk kemi ekonomi tregu“, thotë kryeministri Mickoski.
