Ronaldinho flet pas debutimit me Ravennan: Shkoi shumë shpejt, futbolli është gjëja më e mirë në jetën time

Ronaldinho ka pranuar se rikthimi i tij në futboll “kaloi shumë shpejt” te Ravenna, por ndeshja e sotme në Serie C mund të mos jetë e fundit për legjendën 46-vjeçare.

“I thashë presidentit se, nëse ka nevojë për mua, do të jem këtu”, tha ai.

Ish-ylli i Milanit, Barcelonës dhe Paris Saint-Germainit ishte pensionuar në vitin 2018, megjithëse ndeshjen e tij të fundit profesionale e kishte zhvilluar për Fluminensen në shtator të vitit 2015.

Ai nënshkroi gjatë verës me skuadrën e Ravennas, që garon në Serie C, nivelin e tretë të futbollit italian, dhe debutoi për klubin në ndeshjen e sotme kundër rivalit lokal, Forlì.

Ronaldinho ishte në formacionin titullar dhe i luajti të gjitha 45 minutat e pjesës së parë, përpara se t’i përshëndeste tifozët në stadiumin “Benelli” gjatë pushimit mes pjesëve, në një moment që u shndërrua në një ovacion të madh në këmbë.

Ravenna lead! 🤩 Ronaldinho was involved in the build-up and what a strike it was from Giulio Donati! https://t.co/BNSWjnEp31

— Sky Sports Football (@SkyFootball) November 15, 2026